KILATIS panday-lipunan by Kit Lagare 3 March 2011 SANDAMAKMAK, PUPUGAK-PUGAK HIRAP IILAN, NANGANGALINGASAW SA YAMAN “Kung ang malayang lipunan ay hindi kayang iahon ang sandamakmak na pupugak-pugak sa dagat ng kahirapan, hindi nito maililigtas ang iilang nalulunod sa umaalingasaw na kayamanan.” Ito ang tinuran ni John F. Kennedy, ika-tatlumput limang pangulo ng Estados Unidos sa kanyang inaugural address noong a-bente ng Enero 1961. Tumbok-na-tumbok ang mga katagang ito ang sitwasyon noon, tumbok-na-tumbok pa rin ang mga ito ang sitwasyon ngayon. Sitwasyong nangyayari hindi lamang sa Estados Unidos, bagkus, talamak sa buong mundo. Noon, ngayon, at kung hindi magbabago ang mga Ganid, Manhid, at Abusado sa anumang pamahalaan, magpakailanman. Turo sa banal na kasulatan, kumuha lamang ng sapat sa pangangailangan. Tinutukoy ang manna na nahuhulog mula sa langit. “Huwag nang mag-imbak,” ika ng Panginoon, dahil kapag ginawa ninyo iyon, una: may mga mawawalan; at, pangalawa, mapapanis lamang ang inyong itatabi. Ngunit noon pa man, sa hanay ng mga Israelites na iniligtas ni Moises sa tanikala ng pagkaalipin sa bansang Egypt (habang sila’y lumalakbay sa wilderness patungo sa lupang ipinangako), sadyang may mga PASAWAY na na mga GANID, MANHID, at ABUSADO na. Malamang, ang naturang wisdom ay hindi naulinigan ng mga Egyptians. Bakit? Aba’y bukod kay Hosni Mubarak, lahat ng kanyang mga TUTA pati na mga KUTING ay nangamkam din ng nakakabaliw na MANNA. Resulta? Sandamakmak sa kanilang mga kalahi ang pupugak-pugak sa dagat ng kahirapan. Pero masuwerte pa rin ang mga Egyptians (sa mga umaapi sa kanila) kaysa sa atin. Bakit? Kahit sila’y naghihirap, kaya pa nilang umupa ng mga alilang Pinoy, na di hamak na mas naghihirap. Hindi nagkakalayo ang sitwasyon sa mga Bansang Egypt, Tunisia, Yemen, Bahrain, at Libya. Hindi din malayong mangyari na may iba pang mga bansa na susunod kagaya ng Jordan at Saudi Arabia. Handa na kaya ang ating mga kinauukulan sakaling ito ay mangyayari? Ang sundot-sagad (bottom line), kapwa Pinoy, magkaiba man ang lahi, timbang, taas, amoy, kulay, kultura, at iba pa, lahat ng tao ay iisa ang mithiin at adhikain. Ang maging malaya. At, kaakibat ng kalayaang iyan ang KARANGALAN, KATOTOHANAN, KATARUNGAN, MAKATAO, at KAPAKINABANGAN para sa bayan, sa isip, sa salita at sa gawa. Angkop-na-angkop, para sa lahat ng lahi – noon, ngayon, at magpakailanman – ang nakasaad sa deklarasyon ng kasarinlan ng mga Amerikano: “Aming pinanghahawakan ang hindi mapasusubaliang katotohanan na lahat ng tao ay nilikha na pantay-pantay. Na sila’y biniyayaan ng Dakilang Lumikha ng hindi masasadkaang mga karapatan, at ilan dito ay BUHAY, KALAYAAN, at ANG PAGHAHANAP NG KALILIGAYAHAN…. Samantala, bumalik muna tayo sa loob ng ating bansa, kapwa Pinoy, baka madamay pa o kaya’y maipit pa tayo sa kanilang gulo. Naturingan na malaya ang ating bansa. Ngunit, huwag tayong paguguyo at hanggang turing lang ito. Kagaya nga nang nabanggit ko na, may mga batayan para maituturing na talagang malaya ang isang bansa. Hindi lamang kalayaan sa pamamahayag o kalayaang magsalita, ang mga batayang ito. Hangga’t hindi gumagana ng husto ang Office of the Ombudsman, COA, MGA KORTE, AFP, PNP, KONGRESO, at iba pang ahensiya, dahil sila ay mistulang mga NASUHULAN, NANGHINGI NG SUHOL, TINAKOT O NAGPATAKOT, O KASABWAT SA PANDARAMBONG SA BAYAN, o all of the above, hindi pa natin masasabing ang ating bansa ay ganap nga na malaya. Babala sa mga haharang-harang sa paghahanap ng katotohanan sa kongreso: kaya hindi pa dumating ang Pinas sa kahalintulad na situwasyon ng bansang Libya, ay dahil umaasa pa rin ang mga Pinoy na gumana ng tama ang proseso. Kaya kung puwede lang, huwag na sana silang maligalig. Unsolicited advice kay Pinoy: bukod kay Heidi Mendoza, marami pa tayong mga materyales puwertes na KAPAKI-PAKINABANG para sa sambayanang Pinoy, katulad nina Gen. Danny Lim, Jun Lozada, Col. Querubin, Amba Roy Seneres, Atty. Alan Paguia, at marami pang iba. Isipin na lang ninyo kung saan dadamputin ang mga KAWATAN kung isang Alan Paguia ang Ombudsman. Ako ay lubos na naniniwalang pantay-pantay ang trato ng Poong Maykapal sa kanyang mga nilikha. Kung sa Gitnang Silangan, black gold ang kanilang Manna, pure gold naman ang sa atin. Nga lang: GINTONG MANNA MULA SA LANGIT, SINO-SINO ANG NAKIKINABANG? --oOo- Para sa inyong mga komento, suhestiyon, at impormasyong nais iparating sa inyong lingkod: CP(0916) 731-0183; email: kitkilatis@yahoo.com at subaybayan ang programang KILATIS panday-lipunan, 4:30 to 5:30 pm (log on to: http://www.facebook.com/l/23629RU2Qjc4sBJXwUJU1pz9iCA/www.batasmedia.com) at matutunghayan din ang KILATIS kolum sa News Update.
Sixto Baflor Lagare 10:37am Mar 3
KILATIS panday-lipunan
by Kit Lagare
3 March 2011

SANDAMAKMAK, PUPUGAK-PUGAK HIRAP
IILAN, NANGANGALINGASAW SA YAMAN

“Kung ang malayang lipunan ay hindi kayang iahon ang sandamakmak na pupugak-pugak sa dagat ng kahirapan, hindi nito maililigtas ang iilang nalulunod sa umaalingasaw na kayamanan.” Ito ang tinuran ni John F. Kennedy, ika-tatlumput limang pangulo ng Estados Unidos sa kanyang inaugural address noong a-bente ng Enero 1961.

Tumbok-na-tumbok ang mga katagang ito ang sitwasyon noon, tumbok-na-tumbok pa rin ang mga ito ang sitwasyon ngayon. Sitwasyong nangyayari hindi lamang sa Estados Unidos, bagkus, talamak sa buong mundo. Noon, ngayon, at kung hindi magbabago ang mga Ganid, Manhid, at Abusado sa anumang pamahalaan, magpakailanman. 

Turo sa banal na kasulatan, kumuha lamang ng sapat sa pangangailangan. Tinutukoy ang manna na nahuhulog mula sa langit. “Huwag nang mag-imbak,” ika ng Panginoon, dahil kapag ginawa ninyo iyon, una: may mga mawawalan; at, pangalawa, mapapanis lamang ang inyong itatabi. 

Ngunit noon pa man, sa hanay ng mga Israelites na iniligtas ni Moises sa tanikala ng pagkaalipin sa bansang Egypt (habang sila’y lumalakbay sa wilderness patungo sa lupang ipinangako), sadyang may mga PASAWAY na na mga GANID, MANHID, at ABUSADO na.

Malamang, ang naturang wisdom ay hindi naulinigan ng mga Egyptians. Bakit? Aba’y bukod kay Hosni Mubarak, lahat ng kanyang mga TUTA pati na mga KUTING ay nangamkam din ng nakakabaliw na MANNA. Resulta? Sandamakmak sa kanilang mga kalahi ang pupugak-pugak sa dagat ng kahirapan. Pero masuwerte pa rin ang mga Egyptians (sa mga umaapi sa kanila) kaysa sa atin. Bakit? Kahit sila’y naghihirap, kaya pa nilang umupa ng mga alilang Pinoy, na di hamak na mas naghihirap.

Hindi nagkakalayo ang sitwasyon sa mga Bansang Egypt, Tunisia, Yemen, Bahrain, at Libya. Hindi din malayong mangyari na may iba pang mga bansa na susunod kagaya ng Jordan at Saudi Arabia. Handa na kaya ang ating mga kinauukulan sakaling ito ay mangyayari?

Ang sundot-sagad (bottom line), kapwa Pinoy, magkaiba man ang lahi, timbang, taas, amoy, kulay, kultura, at iba pa, lahat ng tao ay iisa ang mithiin at adhikain. Ang maging malaya. At, kaakibat ng kalayaang iyan ang KARANGALAN, KATOTOHANAN, KATARUNGAN, MAKATAO, at KAPAKINABANGAN para sa bayan, sa isip, sa salita at sa gawa.

Angkop-na-angkop, para sa lahat ng lahi – noon, ngayon, at magpakailanman – ang nakasaad sa deklarasyon ng kasarinlan ng mga Amerikano: “Aming pinanghahawakan ang hindi mapasusubaliang katotohanan na lahat ng tao ay nilikha na pantay-pantay. Na sila’y biniyayaan ng Dakilang Lumikha ng hindi masasadkaang mga karapatan, at ilan dito ay BUHAY, KALAYAAN, at ANG PAGHAHANAP NG KALILIGAYAHAN…. 

Samantala, bumalik muna tayo sa loob ng ating bansa, kapwa Pinoy, baka madamay pa o kaya’y maipit pa tayo sa kanilang gulo.

Naturingan na malaya ang ating bansa. Ngunit, huwag tayong paguguyo at hanggang turing lang ito. Kagaya nga nang nabanggit ko na, may mga batayan para maituturing na talagang malaya ang isang bansa. Hindi lamang kalayaan sa pamamahayag o kalayaang magsalita, ang mga batayang ito. 

Hangga’t hindi gumagana ng husto ang Office of the Ombudsman, COA, MGA KORTE, AFP, PNP, KONGRESO, at iba pang ahensiya, dahil sila ay mistulang mga NASUHULAN, NANGHINGI NG SUHOL, TINAKOT O NAGPATAKOT, O KASABWAT SA PANDARAMBONG SA BAYAN, o all of the above, hindi pa natin masasabing ang ating bansa ay ganap nga na malaya.

Babala sa mga haharang-harang sa paghahanap ng katotohanan sa kongreso: kaya hindi pa dumating ang Pinas sa kahalintulad na situwasyon ng bansang Libya, ay dahil umaasa pa rin ang mga Pinoy na gumana ng tama ang proseso. Kaya kung puwede lang, huwag na sana silang maligalig. 

Unsolicited advice kay Pinoy: bukod kay Heidi Mendoza, marami pa tayong mga materyales puwertes na KAPAKI-PAKINABANG para sa sambayanang Pinoy, katulad nina Gen. Danny Lim, Jun Lozada, Col. Querubin, Amba Roy Seneres, Atty. Alan Paguia, at marami pang iba.

Isipin na lang ninyo kung saan dadamputin ang mga KAWATAN kung isang Alan Paguia ang Ombudsman.

Ako ay lubos na naniniwalang pantay-pantay ang trato ng Poong Maykapal sa kanyang mga nilikha. Kung sa Gitnang Silangan, black gold ang kanilang Manna, pure gold naman ang sa atin. Nga lang: GINTONG MANNA MULA SA LANGIT, SINO-SINO ANG NAKIKINABANG? 

--oOo-

Para sa inyong mga komento, suhestiyon, at impormasyong nais iparating sa inyong lingkod: CP(0916) 731-0183; email: kitkilatis@yahoo.com at subaybayan ang programang KILATIS panday-lipunan, 4:30 to 5:30 pm (log on to:http://www.facebook.com/l/23629RU2Qjc4sBJXwUJU1pz9iCA/www.batasmedia.com) at matutunghayan din ang KILATIS kolum sa News Update.






(Disclamer)
Bene Nota: The views and opinions expressed here by the author are personal to him, and do not reflect the views and opinions of the website owners and administrators. Any issue or complaint about the article must be addressed solely to the author, who is solely responsible for the article.