Mac Cabreros

Mar. 31, 2011

SPED, isinulong

          Magkatuwang na itataguyod ng Department of Education (DepEd), Autism Society of the Philippines (ASP) at Globe Telecom, ang visual learning software na VizZle para sa mga batang may ispesyal na atensyon at pangangailangan.

          Sa pormal na paglulunsad ng VizZle sa P. Villanueva Elementary School sa Pasay City, sinabi nina Ms. Cristina Estampador, miyemro ng Board of Trustess ng ASP at Mr. Jeffrey Tarayao, corporate social responsibility head ng Globe, na malaking tulong at mapapadali ang pagtuturo ng mga guro ng Special Education o SPED sa mga batang may kapansanan lalo ang mga may autism spectrum disorder.

          “Napakalaking bagay sa amin na mabigyan ng pagkakataon para maging grantee ng ViZzle. For the teachers, mapapagaan ang paraan ng kanilang pagtuturo suing this technology. Not only for those with autism, but even so for children with different exceptionalities,” pahayag ni Ms. Leni Ballesteros, principal ng  P.Villaneva Elementary School at SPED center.

          Ipinabatid ni Ms. Ballesteros na may 22 SPED teachers na kasalukuyang nagtuturo sa may 286 istudyante.

          Idinagdag naman nina Mr. Tarayao at Estampador na kanila ring aagapayan ang SPED sa Padre Mariano Gomez Elementary School sa Maynila.

          “With this opportunity, we hope that we will be able to find better ways of teaching students with special needs and equalize society through utilizing Internet and technology,” pahayag ni Tarayao.

          Ang computer at VizZle software ay kaloob ng ASP habang sagot ng Globe ang Internet connection. Mac Cabreros







(Disclamer)
Bene Nota: The views and opinions expressed here by the author are personal to him, and do not reflect the views and opinions of the website owners and administrators. Any issue or complaint about the article must be addressed solely to the author, who is solely responsible for the article.