Mac Cabreros

Feb. 18, 2011

Pang-aabuso, talamak

Talamak ang pang-aabuso sa mga istudyante, iniulat ng Department of Education (DepEd).

Ito, ayon sa DepEd, natukoy na pitong rehiyon ang may mataas na insidente ng iba’t ibang uri ng pang-aabuso.

Binanggit ni Undersecretary for plans and programs Yolanda Quijano na ang tinutukan ng DepEd para sa implementasyon ng Personal Safety Lessons o PSL alinsunod sa DepEd Order No. 45, series of 2000, ang National Capital Region, region IV-A (Calabarzon), region III, V, VI, VIII, at CAR.

          “Madalas ang mga biktima ay mga walang magulang na nakikitira lang sa mga kamag-anak,” pahayag ni Usec. Quijano. “May mga cases din na teachers ang involve,” dugtong nito.

          Binanggit nito na nais nilang maipatupad ang PSL sa lahat na paaralan ngayong schoolyear para malaman ang lawak o kabigat ng nasabing problema.

          Katuwang ng DepEd sa pagtataguyod ng PSL ay ang DSWD, PNP, DoJ, DoH, LGUs at socio-civic organizations gaya ng Center for Prevention and Treatment of Child Sexual Abuse. Mac Cabreros





(Disclamer)
Bene Nota: The views and opinions expressed here by the author are personal to him, and do not reflect the views and opinions of the website owners and administrators. Any issue or complaint about the article must be addressed solely to the author, who is solely responsible for the article.