Mac Cabreros

Pebrero 27, 2011

Mahinang depensa ang pagtatanggi – korte

          Sa kabila ng pagtatanggi, hinatulan ng Pasig City Regional Trial Court ng habambuhay na pagkabilanggo ang isang taxi driver dahil nanaig ang ebidensyang iprisinta laban sa huli bunsod ng pagbebenta ng ipinagbabawal ng gamot.

Pinagbabayad din ni Branch 154 Judge Abraham Borreta ng P800,000 si Ernesto Ferrer, dahil nilabag nito ang Sections 5 at 11 ng Republic Act 9165 o Comprehensive Dangerous Drugs Act of 2002.

Pinagbatayan ni Judge Borreta upang hatulan si Ferrer ang bigat ng ebidensyang iprinisinta ng prosecution gaya ng nakuhang limang sachet ng methamphetamine hydrochloride at perang ginamit sa operasyon ng mga pulis noong Marso 7, 2008 sa Banaag St., Barangay Pineda, Pasig City. Mac Cabreros