Mac Cabreros

Marso 6, 2011

DepEd, Ayala Foundation at Toshiba, magpapakitang-gilas

          Inihayag ni Mr. Jaime Augusto Zobel de Ayala II ng Ayala Foundation na magpapatuloy ang kanilang pagsuporta sa adhikain ng gobyerno partikular sa Department of Education (DepEd) na magkaloob ng edukasyon sa lahat na mamamayan lalo sa information technology.

          “The GILAS consortium will continue to work with DepEd and Toshiba Corporation, so that we will be able to do for other schools in other provinces what we have done for the schools in Laguna,” pahayag ni Mr. Zobel de Ayala.

          Pinatungkulan ni Mr. Zobel de Ayala ang pagkumpleto ng GILAS ang pagkakaloob ng laptop at internet connectivity sa lahat na paaralan sa Laguna.

          Sa ginanap na seremonya sa San Pedro Relocation Center National High School (Landayan annex) kung saan ipinamahagi ng DepEd, Ayala Foundation at Toshiba ang 140 laptop sa 14 high school sa Laguna, inihayag naman ni Education Secretary Armin Luistro na pagsisikapan nilang magkaroon ng computer laboratory at internet connection ang lahat na 6,750 high school sa buong bansa ngayong buwan ng Hunyo. Mac Cabreros




(Disclamer)
Bene Nota: The views and opinions expressed here by the author are personal to him, and do not reflect the views and opinions of the website owners and administrators. Any issue or complaint about the article must be addressed solely to the author, who is solely responsible for the article.